Categories: Coronavirus

Coronavirus kya hai? Treatment ke bare me janiye

Corona Virus aaj kal ka sabse charchit mamla ban gaya hai. Ek aisa virus jo China ke Wuhan pranth mei shuru hua tha, aaj duniya ke lagbagh 180 desho mei phail gayi hai.Ye  lagbhag 45 hazaar vyatiyon ki maut ka aur 9 lakh se zyaada logo ke beemari ki wajah ban chuka hai. Itne khatarnak virus ke baare mei bahut si sansthaano ne apne vichaar diye hai. Ab is Virus ki jaankaari ko jaan na avashyak ban gaya hai taaki hum zyaada sansoochna se brahmit na ho. Aapke dimag mei chal rahe mahtvapoorn sawalon ke jawaab jaan ne ke liye aage padhe.

Kya hai Corona Virus?

Vishwa Swaastya Sangathan WHO ke anusaar, Corona virus ek bahut bade virus parivar ka bhaag hai, jisse sankramith hone se, zhukaam aur bhukaar jaise samanya lakshan se lekar ‘Severe Acute Respiratory Syndrome’ (SARS ) aur Middle East Respiratory Syndrome (MERS ) jaise kathor lakshan se bhugatna padtha hai.

Yeh virus svabhaav se zoonotic hai, jiska matlab yeh hai ki yeh virus se insaan aur jaanwar dono peedith ho sakte hai. Maana jaa raha hai, वWuhan ke sea food aur poultry market mei is virus ka prarambh hua hai. Anek parichit corona virus jaanwaro ko sankramith kar sakthi hai lekin abhi tak inka insaano mein koi prabhaav nahi pada.

Corona naam Latin baasha se liya gaya hai jiska matlab taaj ya prabhaav mandal hota hai.Iss virus ka roop electron microscope ke neeche, Suraj ke corona ki tarah dikhta hai jiski wajah se isse yeh naam diya gaya hai. Yeh virus ko abhi ‘SARS-CoV-2’ ka naam diya gaya hai aur isse aane waali beemari ka naam ‘Corona Disease 2019’ rakha gaya hai. Iska sankshipt naam ‘COVID’ hai. Ye ek prakar ka RNA virus hai.

Is Virus ke lakshan kya hai?

Iss virus se sankramit hone ke 2 se 14 din ke baad iske lakshan dikhte hai. Yeh lakshan aam taur par saumya hothe hai jiski wajah se bahut se log suchno ko nazar andaaz kar dete hai. Kuch log sankramit hone ke bavajud koi lakshan nahi dikhate hai.

Iss virus ke samanya lakshan kuch is tarah ke hothe hai –

  • Bhukaar
  • Thakaan
  • Sukhi Khaasi
  • Naak ka bandh hona
  • Behti Naak
  • Gale mei Kharaash
  • Saans lene mei takleef

Adhik teevr maamlo mei, shareer ke bhinn ango ka kharab hona aur maut ka bhi mauka ho saktha hain.

Yeh Virus kis hadh tak jaan leva hai?

Is virus se prabhavit lagbhag 2 pratishad log jan gava sakte hain.Khas kar vridh mariz jo raktchap ya anya bimariyon se bhi grasit ho .45000 se zyaada darj kiye gaye logo ki mrityu ne is virus ke mrityu sankhya ko 2002-2003 ke SARS outbreak se aage rakh diya hai. SARS ki wajah se duniya bhar mei 1000 logo ki mrityu hui hai aur MERS jo zyaada na phailne ke bavajud, sankramit hue logo ke ek tihayi bhaag ki jaano ko le liya tha.

Haala ki yeh naya virus duniya bhar mei SARS aur MERS dono se bade paimaane mei phaila hai, iski mrityu dar kaafi kam hai, sirf do pratishath par.

Kin jagaho mein cases darj kiye gaye hai?

Sabse zyaada cases China mei darj kiye gaye hai – adhikthar Hubei ke pranth mei. Japan, Taiwan, Thailand, South Korea, the Phillipines, France, Italy aur Iran mei bhi mauth ke mamlo ko darj kiye gaye hai. Asia-Pacific aur Middle EAst ke kshetr ke kayi desho mei yeh virus ka vistaar hua hai. Europe, North America aur Africa ke mahadweepo mei bhi iss virus ke shikar hue logo ke baare mein sunne mei aa raha hai.

China ke bahar ke adhikthar mamle unn jan sankhya mei hai jo ki haali mei China se ya tak ki yatra karke aaye hai. Lekin kaafi ghatnao mei yeh virus manav se manav tak hastantaram kiya hai, aur isse yeh sandehatmak sawal khada uthta hai unn maamlo mei jiske China ke saat koi tarah ka lena dena nahi hai.

Kya kiya jaa raha hai is virus ko aur phailne se rokne ke liye?

Corona virus kisi peedith insaan, jaanwar ya jagah ke nazdeek hone se humare shareer mei pravesh karta hai. Kisi peedith insaan ke khaasi ya cheekh ke boondo se humara sampark hota hai tab hum sankramit ho sakthe hai. Samuchit swachtha ka paalan karna bahut aavashyak hai taaki aap iss virus ka shikaar na bane.

Duniya bhar ke vaigyanik iss virus ke ilaaj ke liye zaroori vaccine ko vikasith karne ki koshish kar rahe hai lekin iski shigra banne ka sambhaavna kam hai.

China ke sarkari adhikariyon ne Wuhan ke pure ilaake ke sampoorn parivahan ko bandh kar diya hai aur bahut se ilaako mei kaafi pratibandh rakhe gaye hain. Antar-rashtriya  aur antar rajiya vimaan/rail evam bus sevaon ko radh kar dia gaya hai taki is bimari ka sankraman kam kar diya jae. Bahut desho mein lockdown kia gaya hai taki is bimari ko aur adhik phailne se roka ja sake.

Yeh Virus ki shuruvat kaha se hui?

China ki sarkari adhikari abhi tak is virus ke shuruvad ke baare mei paata lagaane ki koshish mei lage hai. Kaha jaa raha hai ki, Wuhan ke sea food market mei, jaha vanya jeevan ka avaidh roop mei vyapar kiya jaata hai, is virus ka shuru hone ka adhiktar sambhaavna hai.

7 February ko, China ke shodkartaho ka kehna tha ki yeh virus avaidh roop mei vyapaar kiye jaa rahe sankramit chipkaliyo se insaanon tak ka hastantaran hua hoga. Vaigyanik chamgadhad aur saanp ko iss virus ke mool karan samaj rahe hai.

Kya yeh ek Global Emergency hai?

30 January ko WHO ne is virus ko ek vaishvik sthar ki emergency goshith kar kar diya. Manav aur manav ke beech mei iss virus ke hastantaran hone ke baad is ko ek emergency bulane ka faisla liya gaya.

Yeh antar-rashtriya swasthya chetavnee vishv ke sabhi desho ke liye, United Nations ke nirdeshan ka paalan karke, samanvay tarreke se is virus ke nishedh karne ke liye hai.

Aaj tak, duniya bhar mein 5 vaishvik sthat ki emergencies goshith kiye gaye hai: 2009 mei Swine Flu, 2014 mei Polio aur Ebola, 2016 mei Zika aur phir se 2019 mei Ebola.

Kya Corona Virus ka koi ilaaj hai?

Corona Virus se aayi beemari ke sankraman se bachne ke ke liye aaj tak koi vaccine nahi bani hai. Duniya bhar ke vaigyanik, doctors, shodakarataye iske ilaaj ke liye vibhinn studies kar rahe hain.

Is virus ke sankramit marijo ko unh ke lakhshano ke anusaar dawae di ja rahi hai.Shodhkartaon ne kuch antibiotic aur antimalarials ko is ke ilaj mein kargar paya hai aur prabhavit marizo mein us ka prayog kiya ja raha hai

Iss Virus se kaise bach sakte hai?

Kyun ki, aaj tak iss virus ko theekh karne waali vaccine ya dawai nahi bani, nimnlikhit kadamo ka paalan karke hum sankramit hone ka risk kam kar sakthe hai –

  • Apne haatho ko aksar soap aur paani se saaf karthe rehna chahiye.
  • Alcohol based prakshalak ka use kare.
  • Khaaste ya cheekhne ke waqt apne muh aur naak ko apni kohni se ya tissue se dhake rakhe.
  • COVID-19 se peedith logo aur jagaho se dur rahe.
  • Agar aap ko yeh beemari hai to aapki aksar upyog karne waale vastuyo ko sabse alag rakhe, public places se dur rahe, mask pehne rakhe.

Corona Virus duniya mei sabse tezi se phailne waali virus ban chuki hai. Iss virus ka zyaada tar aur khatarnak prabhaav buzurg jano par, madhumeh ke, dil ki samsyayo ke, high blood pressure ke mareezo pe padtha hai, lekin samuchit shuddhta ka paalan na karne se bhi yeh virus aap pe bhaari pad sakta hai. Agar aap iss virus ke lakshan ko apne aap mei dekhte hai toh helpline number(1075/ delhi- 01123978046) ya email k-ncov2019@gmail.com pe sampark karen taki wo apko nikatam hospital mein jane ka nirdesh de paen.

Dr. Kanika Sood Sharma | Clinical lead & senior consultant | Dharamshila Narayana Superspeciality Hospital, Delhi

Narayana Health

Recent Posts

FAQ’s on Paediatric Anaesthesia

INFORMATION FOR PARENTS & GUARDIANS This explains what to expect when your child comes into…

6 days ago

Doc my child does not “Sleep at Night” – Please help!!

A frantic mother brings an 18-month-old with complaints of her child getting up frequently in…

1 week ago

Heart failure in today’s world!

Heart failure is a commonly rising medical problem these days, especially in the elderly population.…

1 week ago

Cardiovascular Disease in Children

What are the Cardiovascular diseases seen in children? The majority of children who suffer from…

1 week ago

Common issues in Newborns

Here are some of the common issues faced by parents in Newborns: Skin Telangietatic nevi…

1 week ago

Palpitations: When are they serious? What can be done for them?

Palpitations are an abnormal awareness of one’s own heartbeats. Usually, it can be due to…

1 week ago